Matematika fani yutuq va imkoniyatlari inson hayoti va faoliyati bilan bog‘liq bo‘lgan barcha sohalarda keng ko‘lamda qo‘llanilib kelinmoqda. Matematika fanining bo‘limlaridan biri bo‘lgan ko‘phadlar tenglamalarni taqribiy yechishda, turli jarayonlarni modellashtirishda, katta hajmga ega bo‘lgan ma’lumotlar jamlamasini tahlil qilishda va boshqa ko‘pgina amaliy masalalarni yechishda foydalanilishi mumkin. Ushbu maqolada ko‘phadlar nazariyasini hisoblash matematikasi, biologiya va tibbiyot kabi inson faoliyatining turli sohalarida qanday qo‘llanilishi ko‘rib o‘tilgan.