Keyingi yillarda O‘zbekiston oliy ta’lim tizimida ta’lim sifatini va oliy ta’lim muassalarining xalqaro maydonda raqobatbardoshligini oshirishga qaratilgan jiddiy o‘zgarishlar amalga oshirilmoqda. Mazkur maqolada oliy o‘quv yurtlarida strategik boshqaruv tizimini takomillashtirishning hozirgi tendensiyalari muhokama qilinadi. Asosiy e’tibor oliy o‘quv yurtarning moliyaviy va boshqaruv tizimi, innovatsion texnologiyalarni joriy etish, shuningdek, ilmiy tadqiqot faoliyatini rivojlantirishga qaratilgan. Maqolada zamonaviy yondoshuvlar, boshqaruv axborot tizimlaridan foydalanish kabi innovatsion texnologiyalarni joriy etish o‘quv jarayoni va ma’muriy boshqaruv samaradorligini oshirishi yoritib berilgan. OTMlarda ijobiy tendensiyalarga qaramay, barqaror natijalarga erishish uchun hal qilinishi kerak bo‘lgan muayyan muammolar ham mavjud. Ushbu muammolarni bartaraf etish uchun moliyalashtirishni ko‘paytirish, ma’muriy tartib-qoidalarni soddalashtirish va infratuzilmani rivojlantirishga faol sarmoya kiritish kabi aniq tavsiyalar taklif etilmoqda. Boshqaruv tizimini isloh 386 qilishga kompleks yondashuv xalqaro hamkorlik va ilg‘or texnologiyalarni qo‘llash bilan uyg‘unlashgan holda O‘zbekiston oliy o‘quv yurtlariga jahon ta’lim tizimida munosib o‘rin egallash imkonini beradi.