Sut mahsuldorligi yuqori bo‘lgan sermahsul podalar yaratishda, sigirlardan samarali foydalanishda, sut ishlab chiqarish samaradorligini baholashda sigirlarning pushtdorlik xususiyatlari alohida o‘rin egallaydi. Mazkur maqolada respublikamizning issiq iqlimli janubiy hududi hisoblangan Qashqadaryo viloyati Mirishkor tumaniga, chetdan import yo‘li bilan olib kelingan qizil eston va golshtin zotli sigirlarning avlodlari hamda ulardan olingan qon ulushi turlicha bo‘lgan duragaylarining pushtdorlik xususiyatlari to‘g‘risida ma’lumotlar keltirilgan. Bunda, tajriba guruhlaridagi sigirlar bo‘g‘ozlik davrining davomiyligi, servis davrining davomiyligi, sutdan chiqqandan tuqqangacha bo‘lgan davr, tug‘ishlar oralig‘idagi davr, birinchi qochirishdagi otalanish darajasi va qochirish indeksi kabi ko‘rsatkichlari daliliy ma’lumotlar asosida bayon qilingan.