Mazkur maqolada Vilifoss oziqa qo‘shimchasining Simmental zotli sigirlarda laktatsiyaning 90 kunligida sut mahsuldorligiga ta’siri o‘rganildi. Tadqiqotda 3 ta guruh shakllantirilib, ularga turlicha miqdorda (170 g, 220 g) Vilifoss qo‘shimchasi berildi, nazorat guruhi esa odatiy ratsion bilan boqildi. 90 kun davomida sigirlarning sut miqdori va sifat ko‘rsatkichlari qayd etildi. Tajriba natijalari Vilifoss qo‘shimchasi berilgan guruhlarda, ayniqsa 170 g dozada sezilarli sut mahsuldorligi oshishini ko‘rsatdi. Ushbu qo‘shimcha sut yog‘liligi va oqsil miqdorining oshishiga ham ijobiy ta’sir ko‘rsatdi. Tadqiqot natijalari Vilifoss qo‘shimchasining iqtisodiy samaradorligini ham asoslab berdi va uni sigirlarning laktatsiya davridagi mahsuldorligini oshirishda samarali vosita sifatida tavsiya etishga asos bo‘ldi.