INGLIZ VA O‘ZBEK XALQ ERTAKLARINING ANNOTATSIYALANGAN KORPUSINI YARATISH JARAYONI

Ushbu maqolada ingliz va o‘zbek xalq ertaklari matnlarining annotatsiyalangan korpusini yaratish jarayoni yoritiladi. Ushbu korpus semantik jihatdan qisman annotatsiyalangan bo‘lib, unda xalq ertaklari matnlaridagi baxtlilik va baxtsizlik emotsiyasini ifodalovchi til birliklari teglangan. Tadqiqotning asosiy maqsadi ingliz va o‘zbek xalq ertaklari matnlarini yig‘ish, tozalash, qayta ishlash, annotatsiyalash, sinovdan o‘tkazish va raqamli repozitoriyga joylashtirish kabi bosqichlarni o‘z ichiga olgan ingliz va o‘zbek xalq ertaklari korpusini yaratish jarayonini tavsiflashdan iborat. Tadqiqot materiali 149 ta ingliz va 149 ta o‘zbek, jami 298 ta xalq ertaklari matnlaridan iborat. Ushbu tadqiqot materiali yordamida yuqoridagi bosqichlar bajarilgan holda, ingliz va o‘zbek xalq ertaklari matnlarini tahlil qilish uchun annotatsiyalangan raqamli resurs yaratildi.