Bahs-munozarali diskursda kreativ fikrlashni baholash: mezonlar va diagnostika vositalari

Mazkur maqolada bahs-munozarali diskurs jarayonida kreativ fikrlashni baholash mezonlari va diagnostika vositalari yoritilgan. Tadqiqotda kreativ fikrlash Torrance tomonidan taklif etilgan ravonlik, moslashuvchanlik, originallik va tafsilotlashtirish kabi to‘rtta asosiy ko‘rsatkich asosida operatsionallashtirilgan. Shuningdek, argumentatsiya tadqiqotlariga asoslangan muammoni aniqlash va nuqtayi nazar moslashuvchanligi kabi qo‘shimcha ko‘rsatkichlar ham ajratib ko‘rsatilgan. Har bir ko‘rsatkich bahs jarayonida bevosita kuzatiladigan nutqiy faoliyat bilan bog‘langan. Tadqiqotda Creative Argumentation Performance Rubric — Kreativ argumentatsiya faoliyatini baholash rubrikasi taklif etilib, unda g‘oyaviy ravonlik, konseptual moslashuvchanlik, originallik, elaboratsiya va daliliy asoslanganlik besh o‘lchov sifatida belgilangan. Shuningdek, kreativ fikrlashni umumiy og‘zaki til ko‘nikmasidan alohida baholash zarurligi asoslab berilgan. Mazkur yondashuv bahs-munozaraga asoslangan ta’limning o‘quvchilarning kreativ fikrlashiga ta’sirini aniqroq aniqlash imkonini beradi.