Musiqa to‘garaklarida dutor cholg’usi asosida o‘quvchilarning ijrochilik ko‘nikmalarini rivojlantirishga qo‘yiladigan pedagogik talablar

Maktab ta’limida o’quvchilarni ma’naviy-axloqiy jihatdan yetuk inson qilib tarbiyalashda musiqa ta’limi bilan bog’liq barcha jarayonlar muhim ahamiyat kasb etadi. Maktabda sinfdan tashqari musiqa mashg’ulotlarini pedagogik talablar asosida tashlik etish, o’quvchilarda ijrochilik ko’nikmalarini rivojlantirish orqali musiqa san’ati va ularda ilgari surilgan g‘oyalarning tarbiyaviy jihatlarini hamda shaxs kamolotidagi ahamiyatini to’garak faoliyati jarayonida keng targ’ib qilish muhimdir. Shu ma’noda ushbu maqola musiqa to‘garaklarida dutor cholg’usi asosida o‘quvchilarning ijrochilik ko‘nikmalarini rivojlantirishga qo‘yiladigan pedagogik talablar: to’garakning maqsadi va mohiyatini yoritilganligi, o’quvchilarni milliy musiqa ruhida, keng dunyoqarashli, badiiy did egalari etib tarbiyalash, mashg’ulotlarda o’quvchilarning ijrochiligiga moslab repertuar tanlash, to’garakni mazmunli olib borishda o’qituvchilaning pedagogik mahorati keng yoritib berilgan.