Hakim Termiziyning “Amsol minal Kitob vas sunna” asari tavsifi

Maqolada Hakim Termiziyning qalamiga mansub “Amsol minal Kitob vas sunna” asarining qo‘lyozma, foto nusxalari hamda zamonaviy nashrlari haqida ma’lumot berilgan. Jumladan, asarning Parij milliy kutubxonasi, Istanbul shahridagi “Aşir Efendi” kutubxonasi, Hindistonning Kalkutta shahridagi “Jam’iyyatul asiyaviyya” kutubxonasida saqlanayotgan qo‘lyozma nusxalari tadqiq etilib, ularning qaysi asrga mansubligi, kim tomonidan ko‘chirilgani, xat turlari, o‘zaro farqli jihatlari yoritilgan. Shuningdek, misrlik tadqiqotchi olim doktor Ali Muhammad Bijoviy tomonidan asarning Qohira shahridagi “Dorul kutubil Misriyya” manbalar xazinasidagi ikki foto nusxasi asosida nashrga tayyorlangan yig‘ma qiyosiy matni haqida ham ma’lumot berilgan. Asarning yozilish sababi, kolofoni, xotima qismi, tarkibiy tuzilishi, bosh g‘oyasi, mazmun-mohiyati haqida ma’lumot berilib, bugungi kundagi axloqiy ahamiyati bayon qilingan.