Globallashuv sharoitida huquqiy-demokratik islohotlarda liberal mafkuraning jamiyatga ta'siri

Oʻzbekistonda milliy mafkuraning zamonaviy jamiyatdagi oʻrni va ahamiyatini aniqlash, uning asosiy funksiyalarini tahlil qilish va ularning ijtimoiy-falsafiy jihatdan qanday o‘zgarishlar va transformatsiyalarni boshdan kechirganligini o‘rganishdir. O‘zbekistonning zamonaviy ijtimoiy-siyosiy va madaniy sharoitlarida milliy mafkuraning roli, uning milliy o‘zlikni anglash, ijtimoiy barqarorlikni ta’minlash, yoshlar tarbiyasida va ma’naviy-mafkuraviy immunitetni shakllantirishdagi hissasini chuqur o‘rganishni maqsad qiladi. Shu bilan birga, milliy mafkurani globalizatsiya, axborot xurujlari va zamonaviy tahdidlar sharoitida qayta talqin qilish, yangi ijtimoiy sharoitlarga moslashtirish va uning istiqboldagi rivojlanish yo‘llarini aniqlash ham tadqiqotning asosiy maqsadlaridan biri hisoblanadi. Shuningdek, maqolada analiz va sintez, kompleks yondashuv, tizimli-funksional yondashuv, kontent analiz, retrospektiv tahlil, dialektik, sinergetik, qiyosiy tahlil kabi ilmiy bilish usullaridan foydalanilgan hamda quyidagi amaliy natijalari ko‘rsatib o‘tilgan: “ijtimoiy-siyosiy islohotlar”ning g‘oyaviy-mafkuraviy mazmun-mohiyati falsafaning alohidalik va umumiylik kategoriyalari vositasida nazariy jihatdan asoslangan; jamiyat hayotidagi ijtimoiy-liberal о‘zgarishlar-mafkuraviy transformatsiyasining muhim omili ekanligining kompromistik, demokratik tendensiyalari, obyektiv va subyektiv omillari aniqlangan hamda uni boshqarishning institusional tizimini takomillashtirishga oid metodologik taklif va tavsiyalar ishlab chiqilgan; hozirgi davrda liberal va konservativ mafkuraning uyg‘unlashuvidagi metodologik muammolar tizimli yondashuv asosida turkumlashtirilgan va ularning milliy, mintaqaviy xususiyatlari ochib berilgan. Maqolada o‘zbek xalqi milliy mafkurasi rivojining ma’naviy-mafkuraviy va ijtimoiy-madaniy yо‘nalishlariga mas’ul tashkilotlarning nazariy-metodologik, о‘quv-uslubiy faoliyatini innovatsion tarzda takomillashtirishga doir ilmiy xulosalar ishlab chiqilganligi va hozirgi global o‘zgarishlar sharoitida liberal mafkuraning ijtimoiy ahamiyati jamiyatning murakkabliklariga moslashuvchanligi, O‘zbekistonda amalga oshirilayotgan huquqiy-demokratik islohotlarda liberal mafkuraning namoyon bo‘lishi demokratiya, inson huquqlari, qonun ustuvorligi va davlat boshqaruvi tamoyillarini ilgari surishga intilishi tadqiq etilgan.