Kiberhujumlarni aniqlash va ulardan himoyalanishda intellektual tizimni qo‘llash usullari

Mazkur maqolada kompyuter va telekommunikatsiya tarmoqlari orqali kirib kelayotgan kiberhujumlarni aniqlash hamda ularning salbiy oqibatlarini kamaytirishga qaratilgan zamonaviy intellektual himoya tizimlarini qo‘llash masalalari yoritilgan. Tadqiqot doirasida IDS/IPS asosida ishlovchi an’anaviy himoya mexanizmlarini sun’iy intellekt va mashinani o‘rganish algoritmlari bilan integratsiyalash orqali real vaqt rejimida tarmoq trafigini tahlil qilishga mo‘ljallangan intellektual aniqlash tizimi ishlab chiqilgan. Maqolada tarmoq hujumlarining asosiy turlari, ularning xususiyatlari hamda zamonaviy kiberxavfsizlik tahdidlariga xos bo‘lgan murakkab xatti-harakatlarni aniqlash imkonini beruvchi anomaliya aniqlash, tahdidlarni tasniflash va bashoratlash usullari tahlil qilingan. Eksperimental tadqiqotlar natijalari taklif etilayotgan usulning aniqlik darajasi va tezkorlik ko‘rsatkichlari mavjud himoya vositalariga nisbatan yuqoriroq ekanligini ko‘rsatadi. Shuningdek, ishlab chiqilgan intellektual tizim turli tashkilot va korxonalarda tarmoq orqali kelayotgan tahdidlarni operativ aniqlash hamda ularni real vaqt rejimida bartaraf etishda samarali qo‘llash imkoniyatiga ega ekanligi asoslab berilgan.