Yangi O‘zbekistonda innovatsion ta’lim tizimini shakllantirish va rivojlantirishning ijtimoiy-falsafiy tahlili

Maqolada Yangi O‘zbekistonda innovatsion ta’lim tizimini shakllantirish va rivojlantirish jarayonlari ijtimoiy-falsafiy yondashuv asosida tahlil qilinadi. Ta’lim paradigmasining o‘zgarishi, inson kapitalini rivojlantirish va Uchinchi Renessans poydevorini yaratish o‘rtasidagi dialektik bog‘liqlik ochib beriladi. Innovatsion ta’limning ontologik, gnoseologik va aksiologik funksiyalari aniqlanib, raqamli pedagogika hamda ta’lim klasterlarining jamiyat taraqqiyotidagi o‘rni asoslanadi. Tahlil natijasida texnologik yangilanish bilan pedagogik mazmun, standartlashtirish bilan individuallashtirish, global axborot oqimi bilan milliy qadriyatlar o‘rtasidagi ziddiyatlar tizimlashtiriladi. Ushbu ziddiyatlarni bartaraf etish uchun raqamli tenglikni ta’minlash, pedagoglarning innovatsion kompetensiyasini rivojlantirish, ta’lim, fan va ishlab chiqarish hamkorligini kuchaytirish hamda texnologik vositalarni insonparvarlik mezonlariga bo‘ysundirish zarurligi asoslab beriladi.