Moturidiylik

“Moturidiylik” jurnali islom ilohiyoti, moturidiylik, kalom ilmi, islom falsafasi hamda islom tafakkurining tarixi va zamonaviy rivojlanishi yo‘nalishlarida faoliyat olib borayotgan mahalliy va xorijiy tadqiqotchilarning original ilmiy maqolalarini qabul qiladi.

✅ Tillar

Qo‘lyozmalar o‘zbek, ingliz, arab, turk va rus tillarida qabul qilinadi.

✅ Ochiq foydalanish va litsenziya

Jurnal to‘liq ochiq foydalanish (Open Access) tamoyili asosida faoliyat yuritadi. Nashr etilgan barcha maqolalar obuna yoki ro‘yxatdan o‘tish talab qilinmagan holda internet orqali bepul foydalanish uchun taqdim etiladi.

Maqolalar Creative Commons Attribution 4.0 International License (CC BY 4.0) litsenziyasi asosida nashr etiladi.

Mualliflar o‘z asarlariga bo‘lgan mualliflik huquqini saqlab qoladilar.

✅ Taqriz jarayoni va nashr etikasi

1. Barcha qo‘lyozmalar kamida ikki nafar mustaqil ekspert ishtirokidagi ikki tomonlama anonim taqriz (double-blind peer review) jarayonidan o‘tkaziladi.
2. Barcha taqdim etilgan maqolalar tegishli antiplagiat dasturlari yordamida plagiatga tekshiriladi.
3. Jurnal xalqaro nashr etikasi me’yorlariga amal qiladi. Mualliflar manfaatlar to‘qnashuvi mavjud bo‘lsa, bu haqda ma’lum qilishlari shart.

✅ Maqolaning tuzilishi

Har bir qo‘lyozma quyidagi qismlarni o‘z ichiga olishi lozim:

1. Maqola nomi o‘zbek, rus va ingliz tillarida
2. Annotatsiya — 200–250 so‘z
3. Kalit so‘zlar — 8–10 ta
4. Kirish
5. Metodlar
6. Natijalar va muhokama
7. Xulosa
8. Foydalanilgan adabiyotlar — kamida 30 ta manba

Maqolaning tavsiya etiladigan hajmi 15 sahifadan kam bo‘lmasligi lozim.

✅ Rasmiylashtirish talablari

1. Fayl formati: Microsoft Word (.doc yoki .docx)
2. Shrift: Times New Roman
3. Shrift o‘lchami: 14 pt
4. Qator oralig‘i: 1,5
5. Sahifa hoshiyalari: standart

✅ Muallif haqida ma’lumot

Qo‘lyozmada har bir muallif haqida quyidagi ma’lumotlar ko‘rsatilishi lozim:

1. To‘liq ism-sharifi
2. Ish joyi yoki tashkilotga mansubligi
3. Lavozimi va ilmiy darajasi
4. Mamlakati
5. ORCID identifikatori (mavjud bo‘lsa)
6. Elektron pochta manzili

✅ Iqtiboslar va foydalanilgan adabiyotlar

Matn ichidagi iqtiboslar muallif–sana usulida berilishi lozim. Masalan: (Islomov, 2019, 8-b.)

Foydalanilgan adabiyotlar ro‘yxati alifbo tartibida joylashtirilishi va quyidagi ma’lumotlarni o‘z ichiga olishi kerak:

1. Muallifning ism-sharifi
2. Asar nomi
3. Nashr joyi va nashriyot
4. Nashr yili

Kamida 25 ta mahalliy va 6 ta xorijiy manbadan foydalanish tavsiya etiladi.

✅ Maqolani nashr etish to‘lovi

Jurnalda maqolani nashr etish uchun Author Fee sahifasida ko‘rsatilgan miqdorda nashr to‘lovi undiriladi.

Nashr uchun to‘lov amalga oshirilishi tahririyat qaroriga ta’sir ko‘rsatmaydi. Maqolani qabul qilish yoki rad etish qarori faqat uning ilmiy saviyasi va akademik qiymati asosida qabul qilinadi.

✅ Arxivlash va indekslash

Mualliflarga nashr etilgan maqolalarini asl nashrga tegishli bibliografik havolani ko‘rsatgan holda institutsional repozitoriylar, ilmiy platformalar va shaxsiy veb-saytlariga joylashtirishga ruxsat beriladi va bu qo‘llab-quvvatlanadi.