INGLIZ VA O‘ZBEK TILLARIDAGI GAZETA QISQA XABARLARI MATNLARINING PRAGMALINGVISTIK XUSUSIYATLARI

Ushbu maqola ingliz va o‘zbek tillaridagi gazeta qisqa xabarlari matnlarining pragmalingvistika xususiyatlarini o‘rganishga qaratilgan. Tadqiqotda qisqa xabarlarning leksik, sintaktik va pragmatik xususiyatlari tahlil qilinib, ularning o‘ziga xos jihatlari qiyosiy asosda yoritiladi. Ingliz tilidagi gazeta matnlari qisqa, aniq va global terminologiyaga asoslanganligi bilan ajralib turadi, o‘zbek tilidagi xabarlar esa milliy uslub, tahliliy ohang va kontekstga ko‘proq e’tibor qaratishi bilan farqlanadi. Mazkur ishda diskursiv yondashuv, statistik tahlil va korpus lingvistikasi usullari qo‘llanildi. Matnlarning auditoriya uchun pragmatik moslashuvi, uslubiy xususiyatlari va kontekstual yondashuvi tadqiqotning asosiy jihatlari sifatida ko‘rib chiqildi. Shuningdek, gazeta xabarlari ijtimoiy ahamiyati va ular orqali beriladigan axborotning lingvistik shakllari o‘rganildi.