PEDAGOGIKA OLIY TA’LIM MUASSASALARIDA IMMERSIV TEXNOLOGIYALARNI JORIY ETISHNING MUAMMOLARI VA ULARNING YECHIMLARI (BIOLOGIYA TA’LIMI MISOLIDA)

Mazkur maqolada pedagogika oliy ta’lim muassasalarida immersiv texnologiyalarni, jumladan virtual va kengaytirilgan reallik vositalarini biologiya ta’limi jarayoniga joriy etishda yuzaga kelayotgan muammolar hamda ularni bartaraf etish yo‘llari tahlil qilingan. Tadqiqot doirasida immersiv ta’lim muhitini tashkil etishning nazariy-metodologik asoslari, mavjud infratuzilma va texnik ta’minot holati, pedagog kadrlarning raqamli kompetensiyalari hamda metodik tayyorgarlik darajasi o‘rganilgan. Shuningdek, biologiya fanining o‘ziga xos xususiyatlari, biologik obyekt va jarayonlarni vizuallashtirish zarurati, interaktiv ta’lim yondashuvlarining o‘quv samaradorligini oshirishdagi ahamiyati asoslab berilgan. Tadqiqot natijalariga ko‘ra, biologiya ta’limiga immersiv texnologiyalarni joriy etishda moddiy-texnik bazaning yetarli darajada rivojlanmaganligi, o‘qituvchilarning ushbu texnologiyalardan foydalanish bo‘yicha kasbiy kompetensiyalarining yetarli emasligi, metodik ta’minotning cheklanganligi hamda innovatsion yondashuvlarni ta’lim jarayoniga tizimli integratsiya qilish mexanizmlarining takomillashmaganligi asosiy muammolar sifatida aniqlangan. Mazkur muammolarni bartaraf etish maqsadida pedagog kadrlarni qayta tayyorlash va ularning malakasini oshirish, ta’lim muassasalarini zamonaviy texnologik vositalar bilan jihozlash, o‘quv dasturlarini takomillashtirish hamda immersiv ta’lim texnologiyalarini o‘quv jarayoniga samarali integratsiya qilish bo‘yicha ilmiy-amaliy tavsiyalar ishlab chiqilgan.