Mazkur maqolada ona tili darslarida o‘quvchilarning ijodkorlik qobiliyatlarini rivojlantirish metodikasini takomillashtirish masalalari ko‘rib chiqiladi. Maqolada o‘quv jarayonida evristik yondashuvning ahamiyati va uning ta’lim samaradorligini oshirishdagi roli ilmiy-nazariy jihatdan asoslab beriladi. Shuningdek, evristik metodlarni qo‘llash orqali o‘quvchilarning mustaqil fikrlash, muammolarni hal qilish va ijodiy yondashuv ko‘nikmalarini rivojlantirish usullari tahlil qilinadi. Tadqiqot davomida zamonaviy didaktik texnologiyalardan foydalanish va dars jarayonida innovatsion yondashuvlar yordamida evristik faollikni oshirish bo‘yicha tavsiyalar ishlab chiqilgan. Mazkur maqola ta’lim jarayonini takomillashtirish bilan birga, pedagogik faoliyatni zamonaviy talablar asosida tashkil etish, ijodiy yondashuvga asoslangan ta’limni takomillashtirish uchun amaliy metodik tavsiyalar ishlab chiqilib, ular nafaqat ona tili fanini o‘qitish jarayonini, balki umumiy ta’lim tizimini takomillashtirish va samaradorligini oshirishga qaratilganligi bilan pedagoglar va tadqiqotchilar uchun muhim ilmiy-amaliy asos bo‘lib xizmat qiladi.