Ushbu maqolada tabiiy fanlar, ya’ni SCIENCE fanining joriy etilishi, mamlakatimizda o‘quvchilarning tabiiy fanlarga bo‘lgan qiziqishini yanada oshirish maqsadida nashr etilgan yangi avlod darsliklarining yaratilishi va XXI asr ko‘nikmalarining o‘quvchi salohiyatini rivojlantirishdagi ahamiyati yoritib berilgan. So‘nggi yillarda o‘quvchilarning tabiiy fanlar bo‘yicha bilim darajasini oshirish maqsadida mamlakatimizning PISA va TIMSS kabi xalqaro baholash dasturlarida ishtirok etishi hamda ushbu dasturlarning tabiiy fanlar rivojlanishiga qo‘shayotgan hissasi tahlil qilingan. Shuningdek, boshlang‘ich ta’lim tizimida tabiiy fanlarning, ya’ni SCIENCE fanining o‘rni va ahamiyati, shu bilan birga ushbu sohani rivojlantirish yo‘lida amalga oshirilayotgan islohotlar haqida fikrlar bayon etilgan. Maqola tabiiy fanlarga oid metodlar va ularni takomillashtirishga doir takliflar bilan yakunlangan.