Ushbu maqolada o‘quvchilarni vatanparvarlik ruhida tarbiyalashda oila, mahalla va jamoatchilikning muhim roli yoritiladi. Oila – insonning birinchi tarbiya maskani bo‘lib, yoshlarni vataniga, xalqiga bo‘lgan muhabbat va sadoqat ruhida tarbiyalashda muhim o‘rin tutadi. Mahalla esa yoshlarni jamiyatga moslashtirish, ularga ijtimoiy qadriyatlarni o‘rgatish hamda jamoaviy mas’uliyatni shakllantirishda asosiy vosita hisoblanadi. Jamoatchilik esa ushbu tarbiya jarayonining yanada kengroq va samarali tizimini yaratish uchun ta’lim muassasalari hamda boshqa ijtimoiy institutlar bilan hamkorlikda faoliyat yuritadi. Maqolada ushbu jarayonlarning o‘zaro bog‘liqligi, bir-birini to‘ldiruvchi xususiyatlari va o‘quvchilarni barkamol shaxs sifatida tarbiyalashdagi o‘rni tahlil qilinadi. Vatanparvarlik tushunchasi nafaqat ilmiy, balki ma’naviy jihatdan ham ko‘rib chiqilib, uning o‘quvchilarning ma’naviy-axloqiy dunyoqarashini shakllantirishdagi asosiy omillardan biri ekanligi ta’kidlanadi.