Ushbu maqolada zig‘ir (Linum usitatissimum) ekinlarida uchraydigan yerosti zararkunandalarining uchrashi, ularning tasnifi, biologik va ekologik xususiyatlari hamda o‘simliklarga yetkazadigan zarari ilmiy asosda tahlil qilingan. Yerosti zararkunandalari zig‘irning ildiz tizimini shikastlab, o‘sish jarayonlarini sekinlashtirishi, hosildorlikni kamaytirishiga olib kelishi aniqlangan. Zig‘irni zararkunandalardan himoya qilishda uyg‘unlashgan kurash tizimi (IPM – Integrated Pest Management) ni qo‘llash muhim ahamiyatga ega bo‘lib, agrotexnik, mexanik, biologik va kimyoviy usullarni kompleks qo‘llash orqali samarali natijalarga erishish mumkin. Uyg‘unlashgan himoya qilish yondashuvini tatbiq etish orqali zararkunandalar populyatsiyasini barqaror nazorat qilish, ekotizimga zarar yetkazmagan holda hosildorlikni oshirish imkoniyati tadqiq etilgan.