SABZINING NAV VA GIBRIDLARINI SURXONDARYO VILOYATINING JANUBIY MINTAQASIDA EKOLOGIK SINASH

Surxondaryo viloyatining janubiy mintaqasi tuproq-iqlim sharoitida xo‘raki sabzi navlarini ekologik nav sinash natijalari taqdim etilgan. Tajribalar 2023 yilda “Sabzavot, poliz ekinlari va kartoshkachilik ilmiy-tadqiqot instituti Surxondaryo ilmiy-tajriba stantsiyasi”sining yer uchastkasida amalga oshirilgan. Xo‘raki sabzining 12 ta nav namunalari o‘rganilgan. Hosildorligi yuqori bo‘lgan navlar Imperator – 43,75 t/ga va standart Farovon – 50,5 t/ga. Ildizmevasining tovarliligi yuqori bo‘lgan nav namunalari Moskovskaya zimnaya A515 – 90% va Imperator – 85,5%. O‘tkazilgan tajribalar sabzining yangi nav va gibridlarini yaratishda boshlang‘ich materialni tanlab olish jarayoniga o‘z hissasini qo‘shishi mumkin. Hosildorlik va tovarlilik qo‘rsatkichi yuqori bo‘lgan navlar Surxondaryo viloyatida yetishtirish uchun tavsiya qilinishi mumkin.