TAKRORIY SABZAVOT EKINI POMIDORDA QO‘LLANILGAN MINERAL VA ORGANIK O‘G‘ITLAR HAMDA ORGANOMINERAL KOMPOSTLARNI POMIDOR HOSILINING SIFAT KO‘RSATKICHLARIGA TA’SIRI

Mazkur tadqiqotda takroriy sabzavot ekini sifatida pomidor yetishtirish jarayonida mineral va organik o‘g‘itlar hamda organo-mineral kompostlarning hosil sifat ko‘rsatkichlariga ta’siri o‘rganildi. Pomidor o‘simligi nafaqat yuqori hosildorlik, balki sifat jihatidan ham ahamiyatli bo‘lib, uning tarkibida qandlar, askorbin kislotasi, quruq modda va boshqa biologik faol birikmalar miqdori o‘g‘itlash tizimiga bevosita bog‘liqdir. Tadqiqotlarda mineral o‘g‘itlarning qo‘llanilishi hosilning tez pishishi va mahsulot hajmining ortishiga yordam bergani aniqlansa, organik o‘g‘itlar meva sifatini yaxshilashda muhim rol o‘ynadi. Organo-mineral kompostlar esa ozuqa elementlarining muvozanatli ta’minlanishi hisobiga nafaqat hosildorlikni, balki sifat ko‘rsatkichlarini ham barqaror oshirdi. Olingan natijalar takroriy sabzavot ekinlarida ekologik barqaror va samarali o‘g‘itlash tizimini ishlab chiqishda, shuningdek, pomidor mahsulotlarining oziq-ovqat xavfsizligi va sifat talablariga javob berishini ta’minlashda muhim ilmiy va amaliy ahamiyatga ega.