Ushbu maqolada Qishloq xo‘jaligida bilim va innovatsiyalar milliy markazi tizimidagi Dala ekinlari urug‘chiligi milliy tadqiqot majmuasi direksiyasida “In vitro” usulida yetishtirilgan mahalliy kartoshka navlari o‘simliklaridan issiqxona sharoitida urug‘ yetishtirish texnologiyasini joriy etish va kelgusida xonadonbay urug‘larni ko‘paytirish” innovatsion loyihasi doirasida amalga oshirilgan ishlar qisqacha yoritilgan. Ushbu tadqiqot orqali Toshkent viloyati Yuqori chirchiq tumani Ahmad Yassaviy MFY hududidagi 10 ta kam ta’minlangan aholi xonadonlarida vegetatsiya davridagi kartoshkaning yuqori avlodli mahalliy “Toshkent ertagisi” navi (shuningdek, “Umid”, “Aqrob” va “Diora” navlari)ni yetishtirish bo‘yicha ilmiy va amaliy xizmatlar ko‘rsatilayotganligi bayon qilingan. Qisqa muddatda “Xonadonbay” usulda xonadon egalarini takroriy ekin sifatida kartoshkaning yuqori avlodli urug‘liklarini ekish sxemasi, sug‘orish, o‘g‘itlash texnologiyasi va o‘simliklar zararkunandalariga qarshi ishlov berish bo‘yicha bilim va ko‘nikmalar shakllantirilganligi e’tirof etilgan.