Ushbu maqolada takroriy ekilgan qand lavlagining tuproqdan azotli oziqa moddalarni o‘zlashtirishiga azotli o‘g‘ish shakli va me’yorlarining ta’siri o‘rganildi. Ma’lumki, qand lavlagi o‘simligi oziqa moddalarga o‘ta talabchan ekin hisoblanadi. Shuning uchun ham undan yuqori hosil olish uchun qo‘llaniladigan mineral o‘g‘itlarni kerakli shakldagisini tanlash hamda ushbu shakldagisini kerakli me’yorlarda va muddatlarda qo‘llash yaxshi samara beradi. Mineral o‘g‘itlar orasida eng muhim ahamiyatga ega bo‘lganlari bu azotli o‘g‘itlar hisoblanib, ular o‘simlikni o‘sish-rivojlanishiga, hosiliga va hosilining sifatiga kuchli ta’sir ko‘rsatadi. Ammo ularni ta’siri azotli o‘g‘itlarni turli shakllari (masalan, natriy nitrat, ammoniy nitrat, ammoniy sulfat, karbamid) da turlicha bo‘ladi. Chunki azotli o‘g‘itlarning barcha shakllarini tarkibidagi oziqa moddalar miqdori turlicha bo‘ladi. Shuning uchun ham azotli o‘g‘itlarning qaysi shakli va uning qandaydir me’yori o‘simlikka maqbul bo‘lganda o‘simlikning o‘sish-rivojlanishi ancha jadal kechadi. Bu esa o‘z navbatida o‘simlikning tuproqdan oziqa moddalarni o‘zlashtirishi ham samarali bo‘ladi. Natijada uning hosildorligi ortadi. Tajribalar natijalari shuni ko‘rsatdiki, azotli o‘g‘it shakllaridan ammoniy nitrat va karbamid shakli tuproqdagi azot va boshqa oziqa moddalarni o‘zlashtirishiga kuchli ta’sir ko‘rsatdi.