Ushbu maqolada iqtisodiy tafakkur tushunchasi, uning mazmun-mohiyati, jamiyat taraqqiyotidagi o‘rni va bugungi kunda ushbu tafakkurni shakllantirish zarurati keng tahlil etilgan. Xususan, iqtisodiy tafakkurning iqtisodiy madaniyat shakllanishiga ta’siri, shuningdek, uning taraqqiyoti iqtisodiy ta’lim bilan bevosita bog‘liqligi asoslab beriladi. Maqolada, ayniqsa, bozor iqtisodiyoti sharoitida tadbirkorlik faoliyatini yuritish, olib borilayotgan iqtisodiy islohotlarning mazmun-mohiyatini to‘g‘ri anglash, global iqtisodiy o‘zgarishlarga moslashuvchan yondashuv shakllantirishda iqtisodiy tafakkurning o‘rni alohida yoritiladi. Shuningdek, iqtisodiy tafakkurni shakllantirishga xizmat qiluvchi ta’limiy, ijtimoiy va psixologik shart-sharoitlar, zamonaviy pedagogik texnologiyalar, iqtisodiy savodxonlikni oshirish bo‘yicha taklif va tavsiyalar ham ko‘rib chiqilgan.