Mazkur maqolada milliy qadriyatlar asosida o‘quvchilarda san’atga bo‘lgan did va estetik hisni rivojlantirish masalasi keng qamrovda yoritiladi. San’at ta’limi nafaqat badiiy ko‘nikma va amaliy malakalarni shakllantirish, balki yosh avlodni milliy madaniyat, urf-odat va an’analarga hurmat ruhida tarbiyalashda beqiyos ahamiyatga ega. Xususan, tasviriy san’at darslari orqali o‘quvchilar go‘zallikni anglash, estetik qadriyatlarni baholash hamda ijodiy fikrlash ko‘nikmalarini rivojlantirish imkoniyatiga ega bo‘ladilar. Tadqiqot jarayonida estetik tarbiya berishning samarali metodlari, milliy madaniyat elementlarini o‘quv jarayoniga uzviy qo‘shish yo‘llari hamda san’at orqali o‘quvchilarning badiiy tafakkurini kengaytirishga xizmat qiluvchi pedagogik yondashuvlar tahlil qilinadi. Ushbu yondashuv o‘quvchilarda go‘zallikni anglash qobiliyatini chuqurlashtirish, milliy o‘zlikni saqlash va san’atga bo‘lgan qiziqishni oshirishga xizmat qiladi.