Mazkur maqolada erkin kurashchilar mashg‘ulot jarayonida tezlik sifatini rivojlantirishga qaratilgan uslubiy yondashuvlar, vositalar va mashqlar tizimi yoritib berilgan. Tezlik kurashchining texnik va taktik mahoratini samarali namoyon etishida hal qiluvchi omil sifatida ko‘rib chiqiladi. Unda sportchining asab-mushak faoliyatini faollashtirish, texnik harakatlarni maksimal tezlikda va ratsional tuzilmani buzmagan holda bajarish imkonini beruvchi mashqlar majmuasi tahlil qilingan. Shuningdek, qulay, murakkab, oddiy, tasodifiy va musobaqa sharoitlarida tezlikni rivojlantirish usullari, simulyatsion mashqlar va umumiy jismoniy tayyorgarlik vositalarining o‘zaro uyg‘unligi ko‘rsatib o‘tilgan. Maqolada tezkorlik sifatini oshirishning bosqichma-bosqich yondashuvi, mashg‘ulotlarni tashkil etish tamoyillari hamda musobaqa oldi tayyorgarlik davrida tezlik mashqlarining ahamiyati ilmiy asosda bayon etiladi.