Maqolada Nurota zavod tipiga mansub qoraqalpoq sur qorako‘l qo‘zilarida gul tiplari bo‘yicha gomogen juftlash natijasida olingan avlodlarda gul tiplarining qay darajada namoyon bo‘lishini urganish borasida olib borilgan ilmiy tadqiqot ishlarining natijalari keltirilgan. Olib borilgan tadqiqot natijalaridan ko‘rish mumkinki, yarimdoiraqalamgul tipiga xoslik ♂ va ♀da qanchalik ko‘p ifodalangan bo‘lsa, avlodlarda ham shunday natijaga erishilgan. Qo‘chqor va sovliqlarda gul tipiga xoslik teri yuzasida 80x80 bo‘lganda, avlodlarda ushbu ko‘rsatkich 82,9±0,75% bo‘lgan. Bu ko‘rsatkich 80x 50 bo‘lganda 60,0±0,69 natija olingan. Gul tiplari bo‘yicha juftlashning shu usulidan foydalangan holda, xo‘jalikda qimmatli gul tiplarini sezilarli darajada oshirish mumkin. Terisida gul tipiga xoslik darajasi kam bo‘lgan sovliqlarni ham shu jihatdan ustun bo‘lgan qo‘chqorlar bilan juftlash orqali olinadigan avlodlar sifatini oshirish mumkinligini ko‘rish mumkin ( 76,6±0,70). 2-jadvalda esa avlodlarda ayni gul tipiga xoslikning teri yuzasida taqsimlanishi keltirilgan. Natijalardan shuni ko‘rish mumkinki, 100-80% gacha bo‘lgan avlodlar chiqimi 34,0±0,94 % natija bilan gul tipiga xoslik eng yuqori bo‘lgan guruhdan olingan