Ushbu maqolada globallashuv jarayonlari tobora jadallashib borayotgan zamonaviy sharoitda talaba-yoshlarning tayanch ma’naviy kompetensiyalarini rivojlantirishda milliy qadriyatlardan samarali foydalanish masalalari ilmiy-nazariy va amaliy jihatdan tahlil etiladi. Milliy qadriyatlarning yoshlar ma’naviyatini shakllantirishdagi o‘rni, ularning shaxs kamoloti, axloqiy qarashlari hamda ijtimoiy faolligiga ko‘rsatadigan ta’siri asoslab beriladi. Shuningdek, ta’lim jarayoniga milliy qadriyatlarni integratsiya qilishning pedagogik mexanizmlari, samarali usul va vositalari yoritiladi. Milliy va umuminsoniy qadriyatlar uyg‘unligining tarbiyaviy ahamiyati ochib berilib, ularning yoshlar ongida sog‘lom dunyoqarashni shakllantirishdagi muhim roli ko‘rsatib o‘tiladi. Bundan tashqari, talaba-yoshlarni ma’naviy yetuk, vatanparvar va mustaqil fikrlaydigan shaxs etib tarbiyalashda milliy an’ana va urf-odatlar, milliy bayramlar, xalq og‘zaki ijodi namunalari hamda boy madaniy merosning keng tarbiyaviy imkoniyatlari tahlil qilinadi.