INGLIZ TILI MATERIALLARI ASOSIDA TALABALARIDA UMUMMADANIY KOMPETENTLIKNI RIVOJLANTIRISHNING DIAGNOSTIK VOSITALARI

Mazkur maqolada ingliz tili materiallari asosida talabalarda umummadaniy kompetentlikni rivojlantirishning diagnostik vositalari nazariy va amaliy jihatdan tahlil qilinib, umummadaniy kompetentlik tushunchasi, uning tarkibiy komponentlari va ta’lim jarayonida shakllantirish mexanizmlari o‘rganilgan. Ingliz tili o‘quv materiallari nafaqat til ko‘nikmalarini rivojlantirish, balki talabalarning madaniy, ijtimoiy va intellektual salohiyatini oshirish vositasi sifatida tahlil qilingan. Maqolada diagnostik vositalarning roli alohida ta’kidlangan bo‘lib, ular talabalarning madaniy kompetentligini baholash, individual rivojlanish darajasini aniqlash va pedagogik strategiyalarni optimallashtirish imkonini beradi. Shu bilan birga testlar, kuzatuvlar, rubrikalar va refleksiv topshiriqlar kabi turli diagnostik instrumentlarning samaradorligi va ularni amaliyotga joriy etish usullari yoritilgan.