Mazkur maqolada bo‘lajak o‘qituvchilarda huquqiy kompetentlikni rivojlantirish masalalari tahlil qilinadi. Unda huquqiy kompetentlik tushunchasining mohiyati ochib berilib, uning kasbiy kompetensiyalar tizimidagi o‘rni hamda ta’lim jarayonida shakllantirishning asosiy omillari yoritiladi. Bo‘lajak o‘qituvchilarning huquqiy bilimlari, huquqiy ong va huquqiy madaniyatini rivojlantirish orqali ularning ta’lim jarayonida huquqiy me’yorlarga rioya etish, shuningdek, o‘quvchilarning huquq va erkinliklarini himoya qilishga tayyorgarligini shakllantirishning pedagogik ahamiyati asoslab beriladi. Shuningdek, huquqiy kompetentlikni rivojlantirishda ta’lim mazmunini takomillashtirish, interfaol ta’lim metodlaridan foydalanish, amaliy mashg‘ulotlarni samarali tashkil etish hamda normativ-huquqiy hujjatlar bilan ishlash ko‘nikmalarini shakllantirishning ahamiyati ochib beriladi. Mazkur yondashuvlar bo‘lajak o‘qituvchilarning kasbiy faoliyatida huquqiy savodxonlik va huquqiy mas’uliyatni oshirishga xizmat qiladi.