Ushbu maqolada O‘zbekiston Respublikasi maktabgacha ta’lim tizimi uchun malakali pedagog kadrlarni tayyorlash, ularning kasbiy malakasini oshirish hamda sohani kompleks rivojlantirish masalalari tahlil qilingan. Tadqiqot jarayonida sohada mavjud dolzarb muammolar, jumladan, oliy ma’lumotli pedagog kadrlar yetishmasligi, o‘rta maxsus ma’lumotga ega tarbiyachilar ulushining yuqoriligi hamda ularni qayta tayyorlash imkoniyatlari o‘rganilgan. Shuningdek, maktabgacha ta’lim sohasida xalqaro standartlarga mos pedagoglarni tayyorlash, malaka oshirish tizimini takomillashtirish va innovatsion yondashuvlarni joriy etishning amaliy mexanizmlari yoritilgan. Tizimni rivojlantirish jarayonida davlat siyosatining ustuvor yo‘nalishlari, sirtqi ta’lim shakllari, qisqa muddatli malaka oshirish kurslari, oliy ta’lim muassasalari bilan hamkorlikni kuchaytirish hamda xorijiy mutaxassislarni jalb etishning ahamiyati ilmiy asosda yoritib berilgan.