MAKTABGACHA TA’LIM TASHKILOTLARIDA 5-7 YOSHLI BOLALARDA MEDIA SAVODXONLIKNI RIVOJLANTIRISHDA OTA-ONALAR BILAN HAMKORLIK MEXANIZMLARI

Mazkur maqolada maktabgacha ta’lim tashkilotlarida 5-7 yoshli bolalarda media savodxonlikni rivojlantirish jarayonida ota-onalar bilan hamkorlikning pedagogik mexanizmlari tahlil qilingan. Tadqiqotning dolzarbligi bolalarning erta yoshdan media muhitga faol kirib borayotgani hamda ularni ongli, tanqidiy va xavfsiz media iste’moliga yo‘naltirish zaruratining ortib borayotgani bilan asoslanadi. Shu bilan birga, amaliyotda ota-onalar va maktabgacha ta’lim tashkilotlari o‘rtasidagi hamkorlikning yetarli darajada yo‘lga qo‘yilmagani tadqiqot muammosi sifatida belgilangan. Tadqiqot davomida nazariy tahlil, kuzatish va amaliy tajriba metodlaridan foydalanildi. Olingan natijalar ota-onalar bilan tizimli va maqsadli hamkorlik bolalarda media materiallarni tushunish, tanqidiy baholash hamda ulardan xavfsiz foydalanish ko‘nikmalarini rivojlantirishda muhim omil ekanini ko‘rsatdi.