MUSTAQILLIK DAVRI O‘ZBEK TILIDA INGLIZCHA O‘ZLASHMALARNING DERIVATSION XUSUSIYATI

. Mazkur maqolada mustaqillik davrida o‘zbek tili lug‘at tarkibiga kirib kelgan inglizcha o‘zlashmalarning derivatsion xususiyati tadqiq etiladi. Globallashuv, xalqaro aloqalarning kengayishi, axborot-kommunikatsiya texnologiyalarining jadal rivojlanishi, internet kommunikatsiyasi, zamonaviy biznes va ommaviy axborot vositalarining taraqqiyoti natijasida ingliz tilidan o‘zbek tiliga ko‘plab yangi leksik birliklar o‘zlashmoqda. Tadqiqotda inglizcha o‘zlashmalarning faqat tayyor leksik birlik sifatida qabul qilinishi emas, balki ularning o‘zbek tilining ichki so‘z yasash tizimida faol ishtirok eta boshlashi asosiy tahlil obyekti sifatida belgilanadi. Xususan, blogerlik, brokerlik, frilanserlik, marketologlik, tiktokerlik kabi hosilalarda o‘zlashma asoslarning o‘zbekcha -lik affiksi bilan birikishi, shuningdek, kiberxavfsizlik, kiberhujum, kriptobirja, mediaforum, videodars singari birliklarda xalqaro komponentlarning o‘zbekcha asoslar bilan birikishi tahlil qilinadi. Inglizcha o‘zlashmalarning derivatsion faolligi ularning til tizimiga qanchalik chuqur integratsiyalashayotganini ko‘rsatuvchi muhim mezon sifatida baholanadi. Tadqiqot natijalari inglizcha o‘zlashmalarning zamonaviy o‘zbek tili lug‘at qatlamini boyitish bilan birga, uning so‘z yasash imkoniyatlarini ham oshirayotganligini ko‘rsatadi