ТОҒ ВА ТОҒОЛДИ ҲУДУДЛАРИДА УРЧИТИБ КЎПАЙТИРИЛАЁТГАН ГЎШТДОР-СЕРЖУН ҚЎЙЛАР

Мақолада ярим майин жун берувчи гўштдор-сержун қўйларнинг янги зотини яратиш йўналишларида олиб борилаётган тадқиқотлар бўйича маълумотлар берилган. Қўйларнинг насллилик қийматини аниқлаш ва селекция белгилари бўйича баҳолаш бўйича янги зотга хос гўштдор-сержун қўйлар юқори кўрсаткичларга эришдилар. Янги зотга хос гўштдор-сержун совлиқларнинг селекция белгиларидан – тирик вазни кўрсаткичлари, жун маҳсулдорлиги, насллилик қийматини аниқлаш натижалари ҳамда уларнинг клиник кўрсаткичлари баён этилган. Шунингдек, янги зотга хос совлиқларнинг тирик вазни 60,02 кг ташкил этиб, доғистон зотига мансуб тенгқурларникига нис-батан 6,31 кг ёки 11,75% юқори бўлди, жун қирқими миқдори 5,35 кг ва жун толасининг узунлиги 12,0 см тенг бўлиб, соф доғистон зотли совлиқларникига нисбатан 0,73 кг ёки 20,2% ва 3,95 см ёки 49,0% юқори бўлганлиги қайд этилди. Гўштдор-сержун совлиқлардан туғилган қўзилар туғилганда тирик вазни, қўчқорчалар – 4,59 кг, урғочи қўзилар – 4,07 кг, 1 ойлик ёшида қўчқорчалар – 14,83 кг урғочилар – 14,0 кг, 3 ойлик ёшида қўчқорчалар – 26,71 кг, урғочилари – 24,62 кг, 5 ойлик ёшда қўчқорчалар – 35,5 кг ва урғочи қўзилар – 32,0 кг тенг бўлиб, соф доғистон зотли тенгқурлариникига нисбатан тегишли равишда 0,12 кг ва 0,09 кг; 0,49 кг ва 0,43 кг; 1,17 кг ва 0,79 кг; 1,72 кг ва 1,39 кг; 3,3 кг ва 3,2 кг юқори бўлганлиги аниқланди.