Quyonlarni zamonaviy kataklarda boqish

Ushbu maqolada go‘sht, teri va sifatli jun mahsulotlarni intensiv yetkazib berishda ahamiyati katta quyonchilik yo‘nalishiga qaratilgan. Maqolada zamonaviy quyonxonada quyonlarni qanday parvarishlash, quyon kataklarni zotga qarab qanday tanlash, quyonxonalarning yoshga qarab katak o‘lchamlari bo‘yicha asosli ma’lumotlar jamlangan. Undan tashqari quyonlarni har-xil kataklarda saqlaganda ularning organizimida ichki va tashqi haroratga bo‘lgan javob reaksiyasi, ularni moslashtirishda ekologik omillarning ta’sir jarayoni, quyonxonada mikroiqlim ko‘rsatgichlarini to‘g‘ri saqlash, chet eldan keltirilgan quyon zotlarini issiq iqlim sharoitlariga moslashtirish va kataklarni har-xil turlarga zoogigiyenik jihatdan baholash bo‘yicha ma’lumotlar keltirilgan. Respublikamizda ushbu tarmoqni rivojlantirish borasida olib borilayotgan ilmiy tadqiqot ishlarining natijalari ham bayon qilingan.