Akmaliddin Muhammad Bobartiy va uning kalom ilmiga oid asarlari tahlili

Ushbu maqolada VIII/XIV asr islom tafakkurining yetuk vakili, usulul fiqh, furu’ul fiqh, hadis, kalom kabi sohalarda muhaqqiq olim, hanafiy-moturidiy aqidaviy maktabining yirik ulamolaridan biri Akmaliddin Muhammad Bobartiy (710-780/1310-1378)ning ilmiy merosi tahlil qilinadi. Tadqiqot, asosan, allomaning aqida va kalom ilmi rivojiga qo‘shgan hissasini ochib berishga qaratilgan. Maqolada “Sharhu vasiyatil imomi Abi Hanifa” asari hamda uning turli qo‘lyozma nusxalari qiyosiy o‘rganilib, matndagi farqlar va ularning aqidaviy mazmunga ta’siri ilmiy asosda tahlil qilinadi. Bundan tashqari, allomaning “Irshod”, “Sharhu tajridil kalom”, “Sharhul maqosid”, “Kavoshiful burhoniyya” hamda “Sharhu aqidatit tahoviya” kabi asarlarining ilmiy ahamiyati ochib berilgan. Shuningdek, olimning adashgan firqalarga qarshi olib borgan raddiya faoliyati hamda aqliy va naqliy dalillarni uyg‘unlashtirish uslubi ko‘rsatib beriladi. Tadqiqot natijalari Bobartiy merosining moturidiylik tarixidagi muhim o‘rnini aniqlashga xizmat qiladi.