Sahih hadislarning islom huquqida qoʻllanilishida uzluksiz rivoyat silsilasining ahamiyati

Maqolada islom huquqining asosiy manbalaridan biri boʻlgan sunnatda muttasil hadislarning qoʻllanilishi, muttasil hadislar hanafiy mazhabida mutavotir, mashhur va ohod turlarga ajratib o‘rganilishi, hadislarning bunday tasniflanishi ulardan ijtihod jarayonida hujjat sifatida foydalanish asoslarini belgilab berishga xizmat qilishi, shuningdek, jumhur mutavotir hadis yetib kelishiga ko‘ra Qur’oni karimga teng hisoblanishi, umumiy uzluksiz guvohlik (tavotur) ishonchli aniqlikni (yaqin) keltirib chiqarishi va tavotur asosida hosil qilingan bilim hissiy idrok orqali olingan bilimga teng ekani ochib beriladi. Bundan tashqari, faqihlar istilohidagi mashhur hadis keyingi tabaqalarda ommalashib tobein va tab’i tobeinlar davrida mutavotir darajasida rivoyat qilingani, Ahli sunna val jamoa mazhab ulamolarining koʻpchiligiga koʻra, ohod hadis ijobiy ilmni hosil qila olmasa ham, unga amal qilish vojib ekani, Amaliy fiqhiy masalalarda zonniy dalil asos sifatida yetarli hisoblansa ham, e’tiqod masalalarida gumon haqiqat oʻrniga oʻtmasligi kabilar bayon qilinadi.