"STANDART" ilmiy-texnik jurnali respublika miqyosida standartlashtirish, sertifikatlashtirish faoliyatiga oid dolzarb masalalar va islohotlar, ilmiy yondoshuvlar va istiqboldagi rejalar, yangi kashfiyotlar va olib borilayotgan ilmiy tajribalarni yoritishga mo‘ljallangan.

Shu bilan birga, jurnal mamlakatda texnik jihatdan tartibga solish, standartlashtirish, metrologiya va sertifikatlashtirish, sifat menejmenti tizimlarini joriy etish, ushbu sohalardagi yutuq va kamchiliklar, muammolar yechimi va yangiliklar keng yoritilib, jahonning rivojlangan davlatlari tajribasini tatbiq etgan holda, xalqaro standartlarda belgilangan talablardan qolishmaydigan mahalliy, milliy standartlar hamda xalqaro standartlarni qabul qilish jarayonlari bo‘yicha ma’lumot berib boradigan ilmiy-texnik nashr hisoblanadi.

"STANDART" ilmiy-texnik jurnalida innovatsion va istiqbolli loyihalarni amalga oshirishga qaratilgan chora-tadbirlar, sohada erishilgan yutuqlarning ilmiy-texnik targ‘ibotini olib borish hamda oliy ta’lim muassasalarining professor-o‘qituvchilari, doktorantlar va magistrlarning ilmiy maqolalarini chop etish ko‘zda tutilgan.

Jurnal sahifalarida hozirgi zamon talablariga mos ravishda, standartlashtirish, sertifikatlash, metrologiya va akkreditatsiyadan o‘tkazish, muvofiqlikni baholash sohalarida taraqqiyotning global o‘sishi kuzatilayotgan va shiddatli raqobat muhiti shakllangan davrda, rivojlanishning aniq strategik yo‘nalishlarini belgilab olish, uning faoliyat yo‘nalishlarini tashkil etish, rivojlantirish va boshqarish bilan bog‘liq masalalar ijrosi yuzasidan olib boriladigan fundamental, ilmiy va amaliy ishlarni, shuningdek, tizimda faoliyat ko‘rsatayotgan mutaxassislarning ishlab chiqarish jarayonidagi yutuq va tajribalarini, sohani rivojlantirishga oid taklif va tavsiyalar berib boriladi.

    Xalqaro va mintaqaviy standartlarni respublika hududida amaliyotga joriy etish va milliy standartlarni ishlab chiqishda zamonaviy ilmiy-innovatsion uslublarga o‘tish borasidagi takliflar va sohadagi yangilangan amaliy faoliyat keng yoritib boriladi.

Ixtisoslashuvi: Jurnal sahifalarida hozirgi zamon talablariga mos ravishda, standartlashtirish, sertifikatlashtirish, metrologiya va akkreditatsiyadan o‘tkazish, muvofiqlikni baholash sohalari bilan bog‘liq bo‘lgan mavzulardagi fundamental, ilmiy-amaliy va innovatsion tadqiqot natijalari chop etiladi.

“STANDART” илмий-техник журналида чоп этиладиган илмий мақолага қўйиладиган талаблар