AVLODLAR NAZARIYASI VA YOSHLAR IJTIMOIYLASHUVIDA QADRIYATLAR UZVIYLIGI

Maqolada avlodlar muammosi ijtimoiy-falsafiy nuqtai nazardan tahlil qilinadi. Avlod faqat biologik nasl sifatida emas, balki tarixiy tajriba, ijtimoiy ong va qadriyatlar tizimini qabul qiluvchi va qayta yaratishchi tarixiy-ijtimoiy sub’ekt sifatida talqin qilinadi. Karl Mannheim, Xose Ortega-i-Gasset va Arnold Toynbi nazariyalari orqali avlodlarning jamiyat rivojidagi roli, qadriyatlar vorisiyligi va aksiologik transformatsiya jarayonlari o‘rganiladi. Yoshlar avlodi tarixiy tajribani tanlab qabul qilib, qadriyatlarni yangi kontekstda qayta talqin etish orqali jamiyatning ma’naviy qayta ishlab chiqarilishini ta’minlaydi. Shuningdek, qadriyatlar uzatilishi va avlodlararo muloqotning mexanizmlari, hamda zamonaviy texnologik va madaniy sharoitda yuzaga keladigan aksiologik diskontinuitetlar tahlil qilinadi. Maqola yoshlar ijtimoiylashuvini avlodlar nazariyasi doirasida aksiologik, tarixiy va madaniy uzluksizlik nuqtai nazaridan tushunishga qaratilgan.