Mazkur maqolada o‘zbek xalq ijodiyotida va og‘zaki an’anasida yaratilgan klassik musiqa asarlari haqida so‘z boradi. Shoirlar yaratgan she’rlar hamda xalqimizning o‘zi yaratgan va bevosita ijro etib kelgan qo‘shiqlarning hammasi axloqiy-estetik tarbiya uchun xizmat qilgan. Binobarin, o‘tmishda O‘rta Osiyo xalqlari uchun qo‘shiq va she’riyat tarbiya rolini o‘ynagan. Qo‘shiqlarda odob, axloq, mardlik, vatanparvarlik, ota-onaning qadriga yetish g‘oyalari ilgari surilgan. Do‘stlik, saxiylik va xasislik haqida yozilgan g‘azallarni hofizlarimiz ham ijro etib kelishgan. Asarlarning chuqur g‘oyaviyligi, badiiy barkamolligi bugungi kun tomoshabinlarini hayajonga soladi, o‘ziga jalb etadi. O‘zbek milliy metodining ijodiy mohiyatini anglash – yuksak badiiy ijrochilikda hal qiluvchi rol o‘ynaydi. U ijodkordan voqelikni o‘zbekona rivojlanishda konkret, haqqoniy tarzda yoritishni talab qiladi. Inson hayotini, uning tuyg‘ularini, o‘y-fikrlari, tashvish-quvonchlarini chuqur bilish, uni o‘z ijodida real ko‘rsata olish madaniyat xodimlari uchun murakkab va mas’uliyatli vazifadir.