Особняк с вековой историей

Мақолада 2021 йилда бир асру ўн йил ёшга тўлган Самарқанд вилоят кутубхонаси ҳақида сўз юритилади. Муаллиф кутубхона тарихини бевосита унинг фондларида сақланиб келинаётган нашрлар, аниқроғи, XIX асрда Самарқандда чоп этила бошлаган «Окраина» газетаси орқали шархлайди. Чунончи, «Окраина»нинг 1983 йилдаги сўнгги сонларидан бирида вилоятдаги таниқли жамоат арбоби Юрий Якубовскийнинг «Бизнинг чекка жойларда нимани ва қандай ўқишади» сарлавҳаси остида катта таҳлилий мақоласи эълон қилинган. Мақолада келтирилишича, «Россия ва Европанинг турли давлатларидан китобларга почта хизмати нархи қимматлиги туфайли» обуна бўлиш ҳар ким ҳам бўла олмаслигидан бошлаб, жуда «қиммат, ҳашаматли жилдларга» фақат баъзи бадавлат самарқандликлар буюртма бериши, бошқалар эса «Павленков ёки Сувориннинг энг арзон нашрлари билан кифояланишга мажбур бўлган» дейилади. Асталик билан мақола муаллифи ўша давр кутубхоналари аҳамиятига эътибор қаратади. Шу каби мақолалар «Окраина»да кўп марта чоп этилганини кузатиш мумкин. Жумладан, шаҳар зиёлилари ҳукуматга янги кутубхона қуриш учун маблағ ажратилиши ҳақида мурожаат этгани, уларга жавобан амалга оширилган жараёнлар батафсил ёритилганидан бохабар бўлиш мумкин. Р. Назарьян газета мақолаларини шарх этган ҳолда, деярли ҳар бирига тўхталар экан, бугунги кунда Александр Сергеевич Пушкин номида фаолият юритаётган республикамиздаги энг йирик вилоят кутубхонаси фондлари қандай шакллантирила бошлаганидан тортиб, бевосита бино лойиҳаси тасдиқланиши ва кутубхона қурилиши жараёнларига алоҳида тўхталиб ўтган. Айнан шу жиҳатлари билан мақола эътиборни тортади.