КИТОБСЕВАРЛИКНИ МИЛЛАТНИНГ СИФАТЛАРИДАН БИРИГА АЙЛАНТИРИШИМИЗ ЛОЗИМ

Журналимизнинг ушбу сондаги меҳмони ноширлик фаолиятини пухта ташкил этиш, халқимиз учун янгича руҳ ва мазмундаги адабий-бадиий, ижтимоий-сиёсий адабиётларни сифатли нашр этишда катта ҳисса қўшиб келаётган етакчи ношир, «Академнашр» нашриёти директори Санжар Назаровдир. Суҳбатдошимиз билан бугунги кунда ноширларнинг энг оғриқли нуқталари, таржима адабиёти, китоблардаги хато ва камчиликлар, нашриёт ва муаллифлар ўртасидаги муносабатлар ҳамда юртимизда ҳалигача халқаро китоб кўргазмалари, форумлар ўтказилмай келаётганлиги ҳақида суҳбатлашдик.