Мақолада журналистика соҳасида тизимли фикрлаш муаммоси таҳлил қилинади. Замонавий жамиятда инновацион ва креатив фикрлайдиган кадр-мутахассислар, турли хил вазиятларда ишлай оладиган ва ўзаро алоқадор илм-фан соҳаларида тезкор қарор қабул қила оладиган кадрларга эхтиёж ортди. Таълим ва илмий изланишда мураккаб муаммоларни ўрганиш ва унинг ечимини топишда фанлараро ёндашув кенг қўлланилади. Ахборот соҳаси кўплаб касблар ва фаолиятлар йўналишининг муҳим таркибий қисмларидан бирига айланмоқда. Оммавий ахборот воситалари соҳасидаги тизимли фикрлаш, мавжуд муаммони турли йўллар орқали таҳлил қилиш, оммавий ахборот воситаларининг субструктурасида, шунингдек, инсонпарварлик ва жамиятнинг яхлит, барқарор ва изчил ривожланиши нуқтаи назаридан ечимни топишга қаратилган. Шунингдек, мазкур ишда хориж олимларининг ушбу соҳадаги тадқиқот натижалари ва изланишлари тақдим этилди. Билимлар интеграцияси янги коммуникацион технологияларнинг жадал ривожланилиши, глобал тармоққа кенг аудиторияни жалб қилиниши билан боғлик. Мураккаб комплекс тизимлар рационализация ва қуйи тизимларга ажратишни, бошқарув кўникмаларини ва ахборот оқимларини таҳлил қилишни талаб қилади. Бу кутилаётган ижодий натижаларни ҳам, камчиликларни ҳам тўғри тахмин қилиш имконини беради. Медиа тизими муайян ижтимоий муҳитга, ўрнатилган турмуш тарзига боғлиқ. Шу билан бирга, медиа соҳасининг маҳсуоти дунё билан ўзаро боғлиқ бўлиши мумкин ва ўз муҳитидан ташқарига чиқа оладиган, турлича ҳаракат тарзи намуналарини тарғибот қилади, ўзи яшайдиган атроф-муҳитнинг турғунликка айланган тартибини фош қилади. Бу эса янги ғоялар ва дунёқарашни тарғиб қилишда муҳим рол уйнайди.