Тезкор ўзгарувчи медиа журналистларнинг фаолият олиб бориши ва жамиятнинг ҳаёти учун зарур бўлган янги шароитларни мунтазам равишда назарий англаб этишни тақозо этади. Медиамаконнинг ўзгариши, ахборий маконнинг ҳаддан ташқари юкланганлиги, янги рақамли технологиялар, Интернет ОАВнинг ривожланиши — буларнинг барчаси аудиторияга ахборотни самарали етказиш мақсадида янги ёндашувларни излаб топиш, анъанавий услубларни ривожлантириш заруратини тақозо этмоқда. Бу маънода, Г.М.Маклюэннинг эски миф-фольклор коммуникациясини янги электрон (рақамли) технологиялар негизида тиклаш ҳақидаги концепцияси қизиқиш уйғотади. Ушбу сабабларга кўра мазкур мақоланинг мавзуси, фикримизча, ниҳоятда долзарбдир. Миф-фольклор коммуникацияси мультимедиа сторителлинги каби янги рақамли,мультимедиа форматидаги материалларни тайёрлашда фойдаланиш зарур бўлган муайян тажрибани ўз ичига қамраб олган. Мазкур мақола миф-фольклор коммуникациясининг ва замонавий медиамаконда замонавий мультимедиа сторителлингининг ўхшаш жиҳатларини асослаш муаммосини ҳал этишга қаратилган. Мазкур муаммо замонавий медиамаконнинг намоён бўлиш хусусиятларини, шунингдек миф тафсилотларининг сторителлинг форматидаги материаллар билан мутаносиблигини таҳлил этиш йўли билан ҳал этилади. Тадқиқот натижасида коммуникациянинг икки ҳодисасини, икки турини таққослаш имконини берувчи қатор мезонлар аниқланди. Асосий хулоса: замонавий, мунтазам ўзгарувчан, ахборотга тўла медиамаконда аудитория эътиборини қозониш, уни айниқса йирик шаклдаги, масалан, мультимедиа сторителлинги форматидаги журналистика материалларига имкон қадар жалб этиш мақсадида миф-фольклор коммуникацияси усулларидан, ёндашувларидан ва услубларидан фойдаланиш самара беради.