Ўзбекистон олий ўқув юртларида модулли таълимга ўтиш рақобатбардош мутахассислар тайёрлаш учун тегишли курслар, модулларни жорий етишни талаб қилади. Ушбу мақола “Касбий фаолият да нутқ маданияти” курсининг долзарблиги ва мазмунига бағишланган, ушбу курсни нафақат филологик, балки нофилологик йўналишларида ҳам модул сифатида жорий этишнинг асослилиги ва мақсадга мувофиқлиги тўғрисида маълумот берилган. Корейс тилида сўзлашув хусусиятларига мисоллар, филология йўналиши талабаларининг коммуникатив компетенциясини шакллантириш бўйича тажриба натижалари келтирилган. Бундан ташқари, коммуникатив стратегияларга эътибор қаратилади: нутқ фаолиятининг ҳақиқий, мустақил турлари, тилни ўрганишнинг ҳар бир курсида ўзгариб турадиган коммуникатив стратегияларнинг аҳамияти таъкидланди. Мақолада тил ўрганишнинг асосий босқичлари кўриб чиқилди: аудио материаллардан фойдаланган ҳолда чет тилини билиш; видeo курслар орқали она тилини сўзлашувчиларни моделлаштириш; филмлар ва аудио китоблар учун медиа-моделлаштириш; қўшимча сўз бойлигини ривожлантириш ва ижтимоий воқелик билан танишиш. Чет тилини ўқитишда коммуникатив усул диққатни талаб қилади. Коммуникатив усул жонли, осон мулоқот жараёнида асосий тилкўникмаларини (оғзаки, ёзма нутқ, грамматика, ўқиш, тинглаш ва бошқалар) бир вақтнинг ўзида ривожлантиришга қаратилган. Коммуникатив фаолиятга, нутқ самарадорлигига эришиш учун бир қаторкоммуникатив вазифаларни бажариш керак. Чет тилини ўқитишда техник ва техник бўлмаган воситалардан фойдаланиш, ўрганилаётган тил муҳитини яратиш ва ўқув жараёнида ўқувчиларнинг мустақил ишлашига йўналтириш, уларнинг ўзини намоён қилиши ҳамда ўзини ривожлантиришига шароит яратиш. Хулоса қилиб айтганда, ўқув жараёнини хорижий тилда ташкил этиш янги ёндашувни топиш, шунингдек, ўқитишнинг мақсади ва мазмунини тартибга солиш, замонавий олий таълим талабларига жавоб берадиган янги курсларни жорий этиш муҳимлиги таъкидланди.