Аллалар халқимизнинг қадимий бой мероси намуналаридан бири ҳисобланади. Улар фарзанднинг етук бўлиб етишишида, камол топишида ва дунёқарашининг кенг бўлиб шаклланишида роли каттадир. Аллалар асосан болани эркалаб ухлатишга мўлжалланган ва шу сабабли ҳам алла қайси тилда ижро этилмасин ундаги кўпчилик сўзлар болани эркалатишга ва уни ухлатишга қаратилган. Алладаги етакчи ғоя болани атрофидаги олам билан яқиндан таништириш ва унга тилак билдиришдир. Шунга асосланган ҳолда биз аллаларнинг аҳамиятини янада ошириш мақсадида уларни инглиз ва ўзбек тилларида солиштирдик. Уларнинг диалектик жиҳатдан ўхшаш ва фарқли хусусиятларини топишга ҳаракат қилдик. Мақолада ўзбек тилидаги аллаларнинг худудий диалектлари орасидаги маҳаллий хусусиятлари ҳақида маьлумот берилган. Инглиз ва ўзбек тиллари ўртасидаги тилларнинг фарқли хусусиятлари диалектик элементларга асосланган ҳолда ёритилган. Маколада ўзбек тилидаги Хоразм, Бухоро, Қорақалпок ва Фарғона водийси аллалари ва инглиз тилидаги Шотландия аллаларининг диалектал хусусиятлари ва фарқлари ёритилган. Икки тил аллалари ўртасидаги фарқлар алла намуналари ёрдамида кўрсатилган. Таҳлил мобайнида шевага хос бўлган сўзлар қўшимчалар ва ҳаттоки ҳарфларда бўладиган ўзгаришларни учратиш мумкин. Шу орқали ушбу алланинг қайси шевага хос эканлигини аниқлаш мумкин. Жумладан тоғ сўзининг иштироки орқали ушбу ҳудуд тоғлар орасида жойлашганлигини ёки денгиз ва тўлқин каби сўзлардан шу жойнинг денгизга яқин жойлашганлигини билиб олиш мумкин. Энди бу хусусиятларни инглиз тилида қандай ва ўзбек тилларида қай юсинда ифодаланишини қуйидаги мақола орқали билиб олишимиз мумкин.