Ҳозирги кунда инглиз тилини мукаммал билиш ижтимоий эҳтиёжга айланди, чунки миллионлаб одамлар учун инглиз тили ўз ишининг ажралмас қисмидир. Инглиз тили ахборот ва тажриба алмашиш учун халқаро восита бўлганлиги сабабли, уни билиш дунёдаги барча ишбилармонлар, савдогарлар, муҳандислар, олимлар учун зарурий эҳтиёждир. Ҳар қандай тил миллатнинг маданий меросини ўзида акс эттиради. Тил – бу анъана, урф-одатлар, воқеалар, миллатнинг маданий мероси ва тарихий асосини ташкил этувчи қўлёзмаларни етказадиган ягона восита эканлиги барчага маълум. Ушбу мақолада тадқиқотчи инглиз тилини ўрганишда “маданий хабардорлик” атамасининг аҳамиятини таҳлил қилиш билан бир қаторда, талабаларнинг маданий меъёрлар хақида хабардорлигини оширишга қаратилган турли хил вазифалар ва тадбирларни ишлаб чиқиш, таҳлил қилиш ва ташкил этишни режалаштирмоқда. Бу талабаларга нафақат маданиятлараро мулоқот кўникмаларини шакллантиришда, шунингдек, ёзма ва оғзаки матнларни тушуниш, изоҳлаш, таржима қилиш ва тузишда ҳам ёрдам беради. Тадқиқот учун Тошкент давлат ўзбек тили ва адабиёти университетида таҳсил олаётган биринчи босқич талабаларининг икки гурухидан ўттиз тўрт нафар талаба танлаб олинди.