Ушбу мақола инглиз тилини ўқитишда талаффузнинг хусусиятлари ҳамда, ўзбек ўқувчиларининг талаффуз жараёнида учрайдиган қийинчиликларини таҳлил қилишга бағишланди. Муайян тилни ўрганишдаги муҳим жиҳа — тбу талаффуз кўникмасини эгаллашдир. Dictionary of Contemporary English Longman изоҳли луғатига биноан “талаффуз” маълум бир одамнинг сўз ёки сўзларни талаффуз қилиш усулидир. Инглиз тили алфавит ҳарфлари ва улар ифодалайдиган товушлар ўртасида мувофиқлик мавжуд эмас, яъни ҳарфлар худди ёзилганидек ўқилмайди. Aйнан тўғри талаффуз қилиш бизнинг тилимизни бошқалар учун тушунарли қабул қилишига йўл беради. Шунинг учун, тил ўргатиш жараёнида грамматика ва имло қоидаларидан ташқари, талаффузга ҳам эътибор қаратиш керак. Чет тилини ўрганувчиларда ёши ва тилни идрок қилиш каби баъзи муаммолар ҳам мавжуд. Кўпинча талабалар сўзларни нотўғри талқин қиладилар ва талаффузни бузадилар. Чунки улар товушларни, сўзларни ва жумлаларни айтиш жараёнига онгли равишда ёндошмайдилар. Бунинг ўрнига улар товушларни ёдлаб олганларидек айтишга одатланганлар ва бу ҳолатни тушунмасдан ифода этишади. Aслида, инглизча талаффузни ўргатиш чет тилини ўрганишнинг бошланғич даражасидан зарурдир. Aкс ҳолда, хатоларни тузатиш ва тўғрилаш жуда қийин бўлади. Ҳар бир инсон тилни ўрганишнинг дастлабки босқичларида талаффуз муаммосига дуч келди. Машғулотларнинг бошиданоқ товушларни ўзлаштириш, она тилидаги кишилар каби талаффуз қилишни ўрганиш жуда муҳимдир. Бундан ташқари, мақолада интерференция муаммосига ҳам тўхталиб ўтилади ва инглиз унли ва ундош товушларини талаффуз қилишда ўзбек ўқувчилари йўл қўйиши кутиладиган хатоларга эътибор берилади. Ушбу мақоланинг мақсади асосан ўрганилаётган тилни тўғри талаффуз қилишнинг содда ва осон усулларини ўқитиш ва ўзлаштиришга қаратилган.