“ERK KUYCHILARI” TO‘PLAMIDAGI O‘ZBEK YOSH SHOIRALARI SHE’RIYATI POETIKASI

Bugungi kun adabiyotshunosligida adabiyoti tarixi, jadid adabiyotiga oid tadqiqotlarni yetarlicha uchratish mumkin. Garchi shunday bo‘lsa-da, hali tadqiqini kutayotgan, aniqlik kiritilishi kerak bo‘lgan ilmiy-nazariy masalalar talaygina. Xususan, adabiyotshunoslikda jadid shoirlari to‘plam va bayozlari nashrlari va ularning ilmiy, badiiy, publitsistik merosiga oid tadqiqotlar yaratilgan, yaratilmoqda. Biroq XX asr boshlarida yashab ijod etgan jadid ijodkorlarining onalari, ayollari, opa-singillari, umuman, o‘zbek shoiralari ijodiga oid nashrlar hali kitobxonlar e’tiboriga havola etilgani yo‘q. Maqolada XX asr boshlarida yashab ijod etgan o‘zbek yosh shoiralarining ilk to‘plami — “Erk kuylari” asari, uning tarkibiy qismi, shoiralar ijodining o‘ziga xos xususiyatlari, ayni davr ijodkorlari ijodidagi an’anaviylik va novatorlik kabi masalalar ilmiy jihatdan asoslangan. Bu esa XX asr boshlari shoiralar ijodining davr adabiyotidagi o‘rnini belgilashda, davr adabiy muhiti xususida ilmiy xulosalar chiqarishga imkon yaratadi.